Ditët e fundit Dua Lipa ka qenë në qendër të vëmendjes mediatike, pas përfshirjes së saj në një çështje delikate, siç është mospërfshirja e Kosovës në hartën e “Apple”. Reagimi nga ana e saj dhe publikimi i flamurit autokton në Instagram shkaktoi jo pak bujë, mbështetje, kritika dhe madje edhe akuza nga serbët.
https://www.instagram.com/p/CC1bN9Wsx1a/?utm_source=ig_web_copy_link
Mirëpo, përtej gjithë bujës së kësaj çështjeje, Dua na ka treguar se një nga gjërat që di të bëjë më mirë është të thyej rekorde.
Dua është nominuar për “Mercury Prize”, një nga çmimet më të rëndësishme në Britani që vlerëson albumin më të mirë, duke u bërë artistja e parë shqiptare që nominohet për një çmim të tillë.
“Future Nostalgia” duket se ia ka dalë të triumfojë brenda pak kohësh, teksa për javë të tëra ka qëndruar në vend të parë, si albumi më i dëgjuar në Britani.
https://www.instagram.com/p/CC_De1es27D/?utm_source=ig_web_copy_link
Ndërkohë, përgatituni për një tjetër thyerje rrjeti pasi ajo na ka lajmëruar dje në Instagram se do sjellë një bashkëpunim me J Balvin, Bad Bunny, Tainy dhe në klip po ashtu do marrë pjesë edhe super ylli i “La casa de papel”, Ursula Corbero. Kënga publikohet sot në orën 20:00 dhe do na shoqërojë gjatë gjithë verës.
https://www.instagram.com/p/CC7AFMxHF0k/?utm_source=ig_web_copy_link
Disa ditë më parë Dua festoi një super sukses, pasi arriti të bëhet femra e parë në industrinë e muzikës botërore me 4 këngë me nga 1 miliardë klikime në Spotify.
“New Rules”, “One Kiss”, “IDGAF” dhe “Don’t start now” rezultojnë të jenë këngët që po bëjnë namin, teksa shumë premtues duket albumi i ri. “Future nostalgia” u publikua gjatë karantinës, teksa një pjesë e këngëve shqiptarja po i lançon së fundmi me videoklip, pasi si duket Covid-19 i ka prishur jo pak punë.
https://www.instagram.com/p/CC8rICms8Sg/?utm_source=ig_web_copy_link
Së shpejti, Dua Lipa do të fillojë punën për një këngë të re për albumin dhe sipas thashethemeve pjesë e saj do jetë edhe i dashuri i këngëtares, Anwar Hadid.
