Fero u rikthye sërish në rrjete sociale dhe sot bëri një paralajmërim të fortë për gjithë ndjekësit e tij. Reperi tregoi se do të publikojë një këngë të re, për të cilën duhet të ketë punuar gjatë kësaj kohe që ka qenë i shkëputur nga rrjetet sociale. Fero zbuloi se kënga e re do të mbajë titullin “Italy” dhe do të publikohet ditën e premte.
Menjëherë pas këtij postimi të shumtë ishin ndjekësit që e uruan reperin për rikthimin. Mes tyre ra në sy edhe komenti i këngëtares tjetër të njohur, Morena Taraku.
“Mirë se u riktheve vëlla”, i komentoi këngëtarja reperit.
Por duket se ky koment nuk ka qenë i rastësishëm, sepse dyshja e njohur do të kenë së shpejti një projekt të përbashkët. “Prive” ka mësuar nga burime pranë këngëtarëve se Morena dhe Fero do të vijnë me një bashkëpunim së shpejti. Ata kanë vendosur të bashkojnë forcat bashkë për një këngë, por ende nuk dihen shumë detaje në lidhje me të.
Fero kishte rezervuar edhe një surprizë për të gjithë në ditën e Pavarësisë. Ai erdhi me një super bashkëpunim që nuk e priste askush. Reperi bashkoi forcat me Veli Sahitin të grupit Trix për këngën ‘Liria ka emër’ , ku vjen ndryshe nga ai që kemi parë deri tani. Gjithashtu pritet që shumë shpejt Fero të sjellë një bashkëpunim me Stresin. Ishte ky i fundit ai i cili para pak javësh publikoi një foto në Instastory ku shihet së bashku me Feron duke folur me kamër, teksa ka shkruar “Sa jeni tu e prit mega Hitin??”
