Dy ditët e fundit temperaturat janë ulur ndjeshëm, pavarësisht se dielli na ka shoqëruar gjatë gjithë ditës.
Sipas parashikimit të Meteoalb edhe ditët në vijim do të jenë të kthjellëta, por të ftohta në të gjithë vendin.
Ky mot do të zgjasë deri të dielën, kur pritet të nisin edhe reshje të dobëta shiu, si dhe dëborë në zonat malore.
Temperaturat do të pësojnë rënie në orët e mëngjesit dhe të mesditës duke bërë që minimumi të arrijë deri në -6°C ne zonat malore dhe maksimalja deri në 18°C, në zonat e ulëta dhe bregdetare. Ditët më të ftohta të javës janë e premtja dhe e shtuna.
