Një shkollë në Kaliforni detyrohet që t’i paguajë 1.25 milionë dollarë një ish-nxënëseje, e cila urinoi në kovë, pasi iu mohua e drejta për të shkuar në tualet.
Juria e Gjykatës së Lartë u vendos në krahun e ish-nxënëses, e cila paditi qarkun dhe mësuesen mbi incidentin e ndodhur në 2012-n.
Rrethi nuk pranoi fillimisht kërkesën e studentes për t’i paguar 25.000 dollarë për incidentin, që i shkaktoi më pas tekste të turpshme, depresion dhe tentativë për vetëvrasje. Shkolla tha se mësuesja nuk kishte si qëllim që të turpëronte nxënësen.
Përkundrazi, mësuesja u përpoq që të gjente një zgjidhje për atë që mendoi gabimisht, se ishte një politikë e rreptë e pushimit për të shkuar në tualet, u shprehën avokatët e shkollës.
“Me një gjykim të gabuar, ajo mendoi se ishte një ide e mirë”, u shpreh avokati i shkollës së mesme “Patrick Henry”.
Ish-nxënësja, e cila tashmë është 19 vjeçe, tha se mësuesja e saj Gonja Wolf kundërshtoi kërkesën e saj për të shkruar në tualet. Kërkesa e saj u bë gjatë një klase këshillimi 25-minutëshe, ku mësuesja mendonte se pushimi në tualet nuk ishte i lejuar.
Në vend të kësaj, mësuesja e drejtoi nxënësen të shkonte në dollapin e klasës, ku ajo mund të urinonte në një kovë dhe ta boshatiste më pas në lavaman.
“Një gjë e tillë nuk duhet t’i ndodhte kurrë një vajze 14-vjeçare, që sapo kishte nisur shkollën e mesme. Ajo mori qëndrim dhe tregoi një histori shumë të turpshme. Ajo i tha jurisë se si ky incident ndikoi në jetën e saj dhe se ajo ende po përpiqet ta kalojë”, tha avokati i studentes, Brian Watkins.
Nxënësja u detyrua që të ndryshonte dy herë shkollë pas talljeve dhe vazhdon ende të bëjë terapi te psikologu, pas traumës që i shkaktoi incidenti.
Veç shumës 1.25 milionë dollarëshe, juria mbulon shpenzimet mjekësore të vajzës për 41,000 dollarë. Mësuesja u pushua dhe nuk u kthye në shkollë pas incidentit.
Shkolla i kërkoi falje nxënëses dhe nenës së saj, duke sqaruar mësuesit se pushimi për në tualet është i lejuar.
Ndoshta kjo vlen si një mësim edhe për kulturën e shkollave në Shqipëri, lidhur me ndikimin që kanë sjelljet e arsimtarëve te nxënësit!
Burimi: BBC
