Një autobuz me gjimnazistë është përfshirë në një aksident të rëndë në dalje të Qafë Thanës, në aksin Pogradec – Përrenjas. “Ballkanweb” raporton se vetëm një ambulancë shkoi në vendin e aksidentit, ndërkohë që ishin rreth 17 persona të lënduar. Një nga dëshmitarët e aksidentit në Përrënjas, ka rrëfyer momentin tragjik kur autobuzi ishte në buzë të greminës.
“Ishte tmerr. Janë hedhur nxënësit nga dritaret për të dalë se autobusi kishte ngelur gjysmë në rrugë e gjysmë në greminë” – u shpreh ai, menjëherë pasi i kishte dhënë ndihmë nxënësve nga Roskoveci, që i kanë shpëtuar vdekjes mrekullisht sot kur ishin nisur për një eskursion.
Sipas tij, policia e Porgradecit dhe Përrenjasit nuk është përgjigjur dhe në vendin e ngjarjes ka shkuar vetëm një ambulancë, ndërsa nxënësit që ishin lënduar kanë qenë 17. Ata janë dërguar në ambulancën e Prrenjasit për ndihmën e parë.
