Gjasat që Keisi dhe Stresi të rikthehen sërish bashkë janë të mëdha dhe në këtë ka gisht mamaja e Stresit!
Të paktën, kështu shkruan “Panoramaplus”.
Duket se mamaja e reperit, Shpresa, s’mund ta pranojë ndarjen e të birit me Keisin, ndaj është angazhuar vetë që të pajtojë çiftin.
Sipas burimeve, mamaja e Stresit është shprehur se Keisin e do shumë dhe se është nusja ideale për të birin, ndaj do të bëjë çmos që t’i shohë sërish bashkë.
Nuk e dimë edhe sa kohë duhet që çifti të rikthehet, mirëpo ata i kanë dhënë shenjat e para.
Keisi ishte e para për ta mbështetur Stresin pas publikimit të këngës së tij të re, ndërsa më herët ka treguar se mban ende në gisht unazën e tij.
Nga ana tjetër edhe Stresi është shprehur nëpër intervista se ekziston mundësia për rikthim, ndaj po i bëjmë sytë dhe veshët katër!
