Krimi i ndodhur në familjen Lami shokoi të gjithë opinionin publik. Nusja që helmoi dhe mbyti me duar vjehrrën, Marjana Cmeta, u kap vetëm pasi u zbulua rrëfimi i saj para hoxhës, i cili ishte regjistruar me video.
Ndërsa ndodhet prej më shumë se një muaji në burgun e grave “Ali Demi”, në Tiranë, kujtojmë se 21-vjeçarja është edhe nënë e një vajze vetëm 7-muajshe. Për vogëlushen tashmë kujdesen prindërit e Marjanës, ndërsa Olti Lami ende nuk i ka dhënë atësinë.
Sipas “Ballkan web”, ditën e djeshme u mor një tjetër vendimin për nënën e re, një leje e posaçme që i lejon asaj të takojë të bijën çdo ditë dhe ta ushqejë me gji.
Prindërit ia çojnë vajzën në burg Marjanës për ta ushqyer me gji ndërmjet orës 8:00 deri në 15:00. Sipas ligjit, ajo ka të drejtë ta rrisë foshnjën brenda ambienteve të burgut, por vendosi që ta linte nën kujdesin e prindërve.
Ngjarja e ndodhur më 30 prill të 2017-s, u zbulua vetëm pasi e reja, shtatzënë në atë kohë, shkoi te hoxha për t’u rrëfyer.
