Muaji shtator u mbyll me dasmën e Besnik Qakës! Këngëtari zgjodhi ditën e fundit të shtatorit për të kurorëzuar dashurinë e tij me të fejuarën, Lolita.
Nusja ishte kthyer në një princeshë me fustanin e bardhë të fryrë dhe kurorën e vendosur në kokë.
Çifti duket se e kanë shijuar shumë ditën më të rëndësishme të jetës së tyre. Nuk mund të mungonte dedikimi i një kënge nga ana e Besnikut, i cili u fotografua me mikrofon në dorë, ndërsa vallëzonte me nusen.
Nga videot e publikuara në rrjetet sociale nga të afërmit, këngëtari shihej gjithë kohës i qeshur. Nga ana tjetër na ofroi pamjen e tij të parë me kostumin e dhëndrit, ndryshe nga stili i zakonshëm sportiv dhe “casual”.
Dasma u organizua në Pejë, nga është edhe Lolita dhe pjesë e saj u bënë disa nga emrat e njohur për publikun shqiptar.
