Këpucët “Jimmy Choo” janë ëndrra e çdo femre! Veçanërisht në ditën më të rëndësishme të tyre, kur do të celebrojnë dashurinë.
Dhe dy vitet e fundit kanë treguar se të famshmet shqiptare kanë zgjedhur këpucët e kësaj marke për të ecur drejt altarit dhe për të festuar në ditën e martesës.
Moderatorja Elita Rudi dhe reperi Gjiko do të kurorëzojnë dashurinë e tyre në martesë më 21 shtator dhe moderatorja tregoi sot këpucët që do të mbajë veshur në këtë ditë.
Përmes një fotoje të publikuar në Instagram, moderatorja tregoi se ka zgjedhur këpucët e markës “Jimmy Choo” me perla dhe saten.
Dhe sa i kanë kushtuar? Këpucët kanë të njëjtin çmim me ato që zgjodhi Marina Vjollca një vit më parë për martesën e saj.
“Iconstyle.al” zbuloi përmes kërkimeve se këpucët kushtojnë plot 1495 euro.
“Sacora” është një sandale stil “vintage” e cilësisë më të mirë me saten të bardhë dhe e mbuluar e gjitha me perla. Prerja në formë “V”-je dhe rripi i hollë te kyçi e bëjnë këtë sandale idealen për ditën e martesës. Detaji kryesor është perla e madhe e vendosur në pjesën e sipërme.
Dhe ndërsa kthehemi pas në nuset e famshme që kanë zgjedhur këpucët e kësaj marke për ditën e martesës, kujtojmë tre prej tyre: Marina Vjollcën, Xhensila Myrtezajn dhe Jona Spahiun.
Marina Vjollca kishte zgjedhur modelin e këpucëve me thekë dhe të zbukuruar me kristale, të cilat i kushtuan 1.490 euro.
Ndërsa Xhensila Myrtezaj mbajti rekordin për këpucët më të shtrenjta të dasmës, pasi i kushtuan plot 3,495 euro. Këto këpucë me kristale janë dizajnuar nga “Jimmy Choo” si pjesë e koleksionit të këpucëve të Hirushes.
Së fundmi edhe Jona Spahiu tregoi se kishte zgjedhur këpucët e së njëjtës markë për dasmën e saj në qershor, por të një modeli më klasik dhe i kushtuan 525 euro.
