Mund të duket si habi, por nuk kanë qenë numri i lartë i infektimeve në njerëzs, por nuselalat ato që kanë futur Danimarkën në karantinë të menjhershme të pjesshme.
Shteti nordik ka marrë vendimin për një “Lock-Doën” të pjesshëm në disa rajone, për shkak se, shkencëtarët kanë gjetur një mutacion të COVID-19 tek nuselalat daneze.
Shkencëtarët paralajmërojnë se ky lloj mutacioni që ka pësuar COVID-19 te këto kafshë që ushqehen kryesisht me brejtës ose shpendë, mund të përhapet edhe tek njerëzit.
“Lockdown”-i do të zgjasë deri më 3 dhjetor, por autoritetet nuk janë mjaftuar vetëm me kaq. 17 milionë nuselala që ndodhen në Danimarkë do të hiqen nga vendi prej frikës.
Të enjten OBSH e konfirmoi diçka të tillë, duke i cilësuar nuselalat si ”rezervuar të mirë” të COVID-19. Një fenomen i tillë është vënë re dhe në Spanjë dhe Holandë, që nga fillimi i pandemisë teksa Danimarka, krahas njerëzve ka nisur të numërojë rastet dhe tek nuselalat.
Me masat e reja baret, restorantet, transporti publik dhe sportet me dyer të mbyllura, do të ndalohen pasi rastet në Danimarkë po rriten.
Ndërkohë, kryeministrja e vendit, Mette Frederiksen, tha se, virusi i ndryshuar mund të përhapet në vendet e tjera dhe kjo do të ishte e rrezikshme për efektivitetin e vaksinës që po vjen.
“Ne kemi një përgjegjësi të madhe ndaj popullatës sonë, por me mutacionin që është zbuluar tani, ne kemi një përgjegjësi edhe më të madhe për pjesën tjetër të botës”- tha ajo.
Ministri i Shëndetësisë, Magnus Heunicke, tha se, gjysma e 783 rasteve njerëzore me Covid-19 në veri të Danimarkës, kanë të bëjnë me infeksionin nga nuselalat.
Mike Ryan, kreu i programit të emergjencave për Organizatën Botërore të Shëndetësisë, ka bërë thirrje për hetime shkencore. Kare Molbak, drejtor në qendrën kërkimore “Statens Serum Institut”, tha se, skenari më i keq do të ishte një pandemi e re, që do ta kishte epiqendrën në Danimarkë.
“Kjo është arsyeja pse ne duhet ta marrim këtë shumë seriozisht”,- tha Molbak.
/Burimi: Corriere della Sera/Përktheu: Iconstyle.al/
