Disa javë në parë një burim për “Iconstyle.al”, bëri të ditur se moderatorja e emisionit “Pa Filtër”, Jona Spahiu është shtatzënë. Një lajm ky që nuk është konfirmuar ende nga Jona, e cila me sa duket këto ditë është e angazhuar me detajet e fundit të dasmës së saj, që pritet të organizohet në 10 qershor.
Mirëpo veprimet e saj e konfirmojnë dita-ditës shtatzëninë. Jona u shfaq, mbrëmjen e sotme në një event të organizuar në Tiranë, me një veshje tipike shtatzënie. Moderatorja e “Digitalb” kishte zgjedhur një fustan të lirshëm dhe shumë të gjatë për të mos vënë në dukje barkun e rrumbullakosur.
Sakaq, mediat raportojnë se menjëherë pas dasmës Jona dhe partneri i saj, Frenkli Ymeri do të zhvendosen në SHBA për të pritur fëmijën e tyre të parë, që është djalë.
