Presidenti i Shteteve të Bashkuara të Amerikës, Donald Trump, tregoi i lumtur se lideri i ISIS Abu al-Baghdadi, u vra pas një sulmi të forcave amerikane.
Trump tregoi se ai vdiq si një qen i vetmuar duke bërtitur.
Lajmi u bë i ditur ditën e djeshme, ndërsa tani vazhdojnë të dalin detaje të reja.
Mediat e huaja shkruajnë se Abu coi drejt vdekjes edhe tre nga fëmijët e tij.
Kur e pa që nuk kishte më rrugëzgjidhje dhe forcat i ishin vënë nga pas, ai u fut në një tunel dhe aktivizoi eksplozivin në jelek.
Trupi i tij mësohet se ishte i gjymtuar nga shpërthimi dhe identifikimi i tij u bë pas testeve te ADN.
Operacioni i fshehtë filloi rreth orës 05:00 të mëngjesit me orën lokale, ndërsa tetë helikopterë që transportonin trupat speciale amerikane, depërtuan ne territorin e rrezikshëm drejt bazës në veri të Sirisë, në fshatin Barisha të Idlib ku ndodhej Abu Bakr al-Baghdadi. Shumë avionë të tjerë amerikanë dhe anije u përfshinë gjithashtu në mision.
