Klipi i tyre “Apes**t” u bë viral vitin e kaluar, pasi çifti kishte filmuar gjithçka brenda muzeut të Louvre-t dhe pranë pikturës së famshme Mona Lisa.
Ndaj dhe Beyonce me Jay Z vendosën të lënë sërish fansat pa fjalë pasi pranuan çmimin e tyre për Best International Group para një tjetër pikture, asaj të Meghan Markle.
Carters nuk kishin shkuar në ceremoninë e BRIT Award që u mbajt dje, ndaj vendosën të bënin një video përshëndetëse dhe falenderuese për çmimin e marrë.
Në klip, çifti qëndronte përpara një pikture të Meghan Markle, ndërsa Beyonce foli e para:
“Faleminderit shumë BRIT Awards për këtë nderim të pabesueshëm. Ju djema gjithmonë keni qenë shumë mbështetës. Gjithçka është dashuri. Faleminderit.’
Ndërsa Jay Z shtoi: “Jeni të mirëpritur”.
Më pas çifti kthehet me fytyrë nga piktura, ndërsa në sfond dëgjohet vajza e tyre e madhe Blue Ivy që thotë pyetjen që të gjithë kemi në mendje: Pse?
Mos vallë Carters janë mbështetës të Meghan?
Në fakt asnjë nga të nominuarit për Best International, përfshi këtu First Aid Kit, Brockhampton, Chic & Nile Rodgers dhe Twenty-One Pilots nuk kishin denjuar të shkonin në ceremoni.
Prezantuesi Jack Whitehall tha se askush “nuk e vuri ujin në zjarr” për të nderuar me pjesëmarrjen, para se të bënte një tjetër deklaratë të drejtpërdrejtë:
“Pse votuat për Drake? Ai kurrë nuk vjen. Votoni për Shawn Mendez, të cilit iu desh të merrte leje në shkollë për këtë gjë”.
