Kalush Orchestra, grupi ukrainas që fitoi Eurovision-in këtë vit, ka bërë me dije se tashmë e ka shitur trofeun e fitores. Mësohet se trofeu u shit për 838 mijë euro.
Paratë e fituara do të shkojnë për luftën në Ukrainë.
Së fundmi, këngëtari Oleh Psiuk ka zhvilluar një intervistë për Euronews Albania, ku ka rrëfyer disa detaje.
“Jemi të lumtur që kemi mundësi për të prezantuar Ukrainën dhe për të ngritur shpirtin e ukrainasve”, tha ai. Jo vetëm kaq por këngëtari ka falënderuar të gjithë ata që i kanë votuar për të fituar “Eurovision”-in.
Më tej, ai shtoi se Eurovizioni i ardhshëm do të zhvillohet “në Ukrainën e rindërtuar, të lirë e të lumtur”.
Gjithashtu, ai shtoi se: “Lajmi që kemi shkruar në luftë eshtë i rremë”.
Kujtojmë që pas fitores së “Eurovision”, “Kalush Orchestra” tha më herët: “Është e vështirë të thuhet se çfarë do të ndodhë tani, është hera e parë që fitojmë Eurovizionin. Kemi një leje të përkohshme për të qëndruar në Torino: nesër duhet të kthehemi dhe si çdo ukrainas jemi gati të luftojmë për aq kohë sa të mundemi. Çdo sukses tani ka shumë kuptim për Ukrainën. Kultura jonë është sulmuar dhe ne jemi gjithashtu këtu për të treguar se ajo është e gjallë dhe ka markën e saj të veçantë”.
