Që Kidës i pëlqen të bëjë ndryshime drastike në look, këtë e kemi mësuar prej kohësh. Ajo është si një kameleon i vërtetë dhe deri më tani ka provuar ngjyra nga më të ndryshmet mbi flokë. Ndërkohë që të gjithë menduam se ajo kishte rënë pak qetësi me këto ndryshime të shpeshta, Kida na ka surprizuar sërish.
Ajo ka zbuluar se aktualisht ndodhet me pushime me një nga mikeshat e saj më të mira. Dy vajzat kanë vendosur që gjatë pushimeve të ndryshojnë edhe look-un e tyre. Më saktë Kida ka treguar se e ka detyruar mikesha që të lyejë flokët dhe t’i bëjë ngjyrë rozë.
Të dyja kanë pozuar me modelin e ri dhe përkrah një fotografie Kida shkruan: “Shiko çfarë më bëri”.
Në fakt kjo nuk është hera e parë që Kida i lyen flokët në rozë, sepse siç e përmendëm ajo ka eksperimentuar thuajse me të gjitha ngjyrat.
Kujtojmë se Kida ka qenë kryefjala e kësaj vere, për shkak të një bashkëpunimi mjaft të suksesshëm me Ledri Vulën dhe Butrint Imerin. Treshja sollën këngën “Dale” që rezultoi hit i kësaj vere.
Mirëpo Kida nuk ka ndërmend të ndalet dhe në një intervistë të dhënë së fundmi për për gazetën zvicerane 20 minuten, teksa është pyetur për bashkëpunimin e saj të ëndrrave, ajo ka treguar dy idhujt e saj ndërkombëtarë dhe me të vërtetë do ishte interesante dhe një arritje e madhe ta shihnim Kidën në një bashkëpunim të tillë.
“Idhujt e mi në muzikë janë Drake dhe Rihanna, bashkëpunimi i diçkaje me ta do të ishte i mahnitshëm.”
