Pjesëtarët e familjes mbretërore i dhanë lamtumirën e fundit ditë më parë Princit Philip, i cili ndërroi jetë në moshën 99-vjeçare. Në funeralin e tij ishte e pranishme Mbretëresha Elizabeth, së bashku me djalin e saj, Princin Charles, nipërit, William dhe Harry etj. Gjatë ceremonisë mbretëresha u shfaq mjaft e prekur, duke qenë se mbi 70 vite të jetës së saj i kaloi e martuar me Princin Philip.
Së fundmi është mësuar se mbretëresha do të tërhiqet nga detyrat mbretërorepas vdeljes së bashkëshortit dhe do të lejojë familjen e saj të marrë më shumë nga detyrat e saj,
“Madhështia e saj u kthye në punë disa ditë pas vdekjes së bashkëshortit të saj, por ka të ngjarë të mos kthehet kurrë në orarin e ngarkuar të takimeve të vrullshme”, pretendon ish-korrespondenti mbretëror i BBC Peter Hunt teksa ka folur për “New York Times”.
Sipas tij, mbretëresha me shumë mundësi do të vazhdojë të qëndrojë në Kalanë Windsor, ku ka qëndruar pjesën më të madhe të vitit të kaluar gjatë karantinës.
Por, për sa kohë do të veshë të zeza mbretëresha?
Ka një protokoll të rreptë për atë që duhet të veshë familja mbretërore ku ndërron jetë një anëtar. Zija do të zgjasë 8 ditë që nga momenti i vdekjes së anëtarit, por Mbretëresha do të ketë një zgjatje të periudhës prej 30 ditësh.
Matthew Storey, kurator në Historic Royal Palaces tha për “The Tepegraph” :
“Veshja e rrobave të zeza ka qenë pjesë e kulturës mbretërore europiane për shekuj me radhë, por arriti kulmin në shekullin e 19-të me ndikimin e mbretëreshës Victoria, e cila vendosi standard për pjesën tjetër të shoqërisë për t’u ndjekur. Të vejave u kërkohej të vishnin të zeza, pastaj ngjyra pak më të hapura se e zeza, për të paktën tre vjet, derisa të ishin në gjendje të vishnin rroba me ngjyra”.
