Emiratet e Bashkuara Arabe kanë njoftuar shtimin e një klasifikimi të ri të moshës mbi 21 vjeç në sistemin e tyre të vlerësimit të filmave që mund të bëhet një moment historik kundër censurës në të gjithë Azinë Perëndimore.
Në vend të prerjes së skenave të ndjeshme, Autoriteti Rregullator i Medias së Emirateve do të prezantojë një kategori të re të moshës 21+ për shikuesit,
Zyra e Rregullatorit të Medias në Emiratet e Bashkuara Arabe bëri njoftimin të hënën në Twitter, duke specifikuar se vlerësimi i ri për filmat e klasifikuar për audiencën mbi 21 vjeç do të lejojë versionin ndërkombëtar, domethënë të paprerë, të filmave të shfaqen në kinema.
Aktualisht në një pjesë të madhe të rajonit, i cili njihet edhe si Lindja e Mesme, filmat që kanë të bëjnë ose përmbajnë seks, homoseksualitet dhe çështje fetare priten në mënyrë rutinore për t’iu përshtatur censurës për shkak të kufizimeve kulturore, ose ndalohen plotësisht.
Shembujt e fundit të filmave të Hollywood-it të ndaluar në pjesë të rajonit janë “Eternals” i Marvel-it, me superheroin e parë homoseksual të MCU, dhe “West Side Story” i Steven Spielberg, i cili ka një personazh transgjinor të quajtur Anybodys.
Megjithatë, ndërsa “West Side Story” nuk po luhet aktualisht në Emiratet e Bashkuara Arabe, “Eternals” nuk u ndalua atje, megjithëse disa skena u prenë.
“Emiratet e Bashkuara Arabe kanë evoluar në mënyrë dramatike nga vendi ku ishin 10 ose 15 vjet më parë për sa i përket asaj që pranohet,” i tha së fundmi “Variety Ignace Lahoud”, shefi ekzekutiv i “Vox Cinemas”, i cili është zinxhiri më i madh i ekspozitave në Azinë Perëndimore.
