Ndarja e një çifti i kushtoi vajzës plagosjen e saj dhe të babait. Zbulohet detajet të reja nga ngjarja që u shënua ditën e djeshme në lagjen ‘Çlirimi’, në Berat, ku mbetën të plagosur babë e bijë.
Sipas mediave, shkak i ngjarjes u bë ndërprerja e lidhjes së dashurisë mes autorit Fatjon Toska dhe 23-vjeçares së plagosur R.D.
Po ashtu mësohet se Toska kishte shkuar dje në banesën e ish-të dashurës së tij, për t’i kërkuar shpjegime për faktin se pse ishin ndarë. Në debat e sipër është përfshirë dhe babai i saj, 53-vjeçari G.D., ndërsa situata më pas doli jashtë kontrollit kur 32-vjeçari i plagosi të dy me thikë.
Pas ngjarjes babë e bijë u transportuan me urgjencë në spital dhe ndodhen jashtë rrezikut për jetën. Ndërkohë mbi 32-vjeçari rëndon akuza “Plagosja e lehtë me dashje”.
Burimi: BalkanWeb
