Mëngjesin e sotëm rreth orës 10.15 në zonën e “Unazës së Re” në Tiranë, babai 51-vjeçar plagosi me thikë të dashurin e vajzës. Rezmi Caushaj kishte tentuar disa herë t’i jepte fund lidhjes së vajzës së tij me 40-vjeçarin, por nuk ia kishte arritur dot. Ndaj, e kishte ftuar mëngjesin e sotëm në një kafe të dashurin e vajzës dhe më pas i ka ngulur thikën në debat e sipër. Menjëherë 40-vjeçari është dërguar në spital dhe ndodhet nën kujdesin e mjekëve. Ndërkohë që i ati i vajzës është arrestuar nga Policia e Tiranës.
“Rezmi Caushaj ka plagosur me mjet prerës një shtetas të moshës rreth 40 vjeç i cili aktualisht ndodhet në spital, nën kujdesin e mjekëve. Vijojnë veprimet e mëtejshme hetimore për dokumentimin e plotë të ngjarjes.” – shkruhet në njoftimin për shtyp të Policisë.
