Justin Bieber po na bën pak lëmsh se cilit zhanri i përket albumi i tij “Changes” pasi albumi i tij i pestë mori një nominim për Grammy të martën (24 nëntor) për “Albumin më të mirë pop”.
Mirëpo, artisti me famë botërore thotë se ai i përket zhanrit R&B.
Ai i shkroi një letër të shkurtër “Recording Academy” duke e ndarë edhe me ndjekësit në rrjetet sociale, duke thënë se misioni i tij për të bërë një album R&B nuk u nderua si duhet duke u vendosur në këtë kategori.
“Për Grammy-të, unë jam i kënaqur që jam vlerësuar për artin time. Unë jam shumë i përpiktë dhe i qëllimshëm në lidhje me muzikën time. Unë vendosa të bëja një album R&B. “Changes” është një album R&B. Por, nuk po pranohet si një album R&B dhe kjo është shumë e çuditshme për mua. Unë jam rritur duke admiruar muzikë R&B dhe kam dashur të bëj një projekt që do të mishërojë atë. Që ky album të mos futet në atë kategori më duket e çuditshme duke marrë parasysh akordet, meloditë, stilin vokal deri dhe bateritë e hip hopit që u zgjodhën, është në mënyrë të padiskutueshme, pa dyshim, një album R&B! Të jem i qartë, unë absolutisht e dua muzikën Pop, thjesht albumi im nuk i përket këtij zhanri. Mirënjohja ime për respektin e treguar për punën time mbetet dhe jam i nderuar që jam nominuar gjithsesi. “
View this post on Instagram
Bieber ka luajtur me stilin herë pop dhe herë R&B gjatë gjithë karrierës së tij dhjetëvjeçare, duke nisur me albumin e tij të dytë në 2013, Journals, kur filloi epokën e ashtuquajtur “R & Bieber”. Ai me qëllim dalloi ndërrimin e zhanrit në projektin vijues për albumin e tij pop / dance 2015 “Purpose”.
“Jo popR & bieber”, shkroi ai në Twitter më parë këtë vit përpara se “Changes” të publikohej në Ditën e Shën Valentinit (14 Shkurt).
Not pop. r&bieber @poobear
— Justin Bieber (@justinbieber) January 2, 2020
Justin u nominua edhe në tri kategori të tjera për “Performancën më të mirë solo pop” (“Yummy”), “Performancën më të mirë dyshe pop” (“Intentions”, feat. Quavo) dhe “Performancën më të mirë dyshe” (“10,000 Hours” me Dan + Shay).
Ai tani ka 14 nominime totale që nga debutimi i tij 10 vjet më parë në Grammy e 53-të.
