Një tjetër tragjedi i ka ndodhur reperes Loredana Zefi, pasi u përfshi në skandalin e mashtrimit të çiftit zviceran.
Këtë herë, Loredana ka humbur të atin, dhe lajmin e trishtë e ka dhënë përmes një statusi në Instagram, ku njofton humbjen e personit të saj më të shtrenjtë.
“Faleminderit baba që bëre më të mirën për ne deri sot. Unë të dua dhe lutem që ti të jesh mirë atje lart. Për miqtë e mi që më ndihmojnë në këtë kohë të vështirë, ju falënderoj nga zemra”, ka shkruar ajo në një postim të fundit në Instastory.
Pas skandalit, Loredana duket se nuk po e merr dot veten. Kjo humbje e madhe erdhi në kohën më të vështirë për reperen, e cila rrezikon burgun nëse vërtetohen akuzat e shtetases zvicerane për zhvatje dhe kërcënim (lexo këtu).
Sipas portalit zviceran “20minuten”, Loredana mund të dënohet deri në pesë vjet burgim ose me gjobë.
Në rast se dënohet për mashtrim, ajo nuk mund të qëndrojë në Zvicër, ku ka aplikuar edhe për nënshtetësinë të cilën me sa duket ende nuk e ka marrë.
