Pas suksesit me “Big Brother Vip”, balerini i njohur Ilir Shaqiri nuk ka ndërmend të largohet nga qendra e vëmendjes. Ai është shpërngulur momentalisht në Shqipëri dhe është bërë tepër aktiv në rrjetet sociale.
Balerini ndan me fansat foto e video të shumta, po nuk i le asnjëherë mënjanë “thumbat”. I tillë duket se ka qenë dhe ky i fundit.
View this post on Instagram
Iliri ka postuar një foto të tijën në Instagram ku ka shkruar: “Nuk po ëndërroj me sy hapur, dua thjesht t’i them gjërat siç janë”.
Iliri po e shfrytëzon famën më së miri edhe pse nuk dihet ende se për kë e ka këtë thumb. Aludimet e fansave kanë qenë të shumta, tani presim një sqarim nga vetë Iliri.
Kujtojmë se Iliri dhe Sabiani kanë patur një shoqëri mjaft të ngushtë brenda shtëpisë së “Big Brother VIP”, por që më pas miqësia e tyre u kris pas përfundimit të reality-show.
Lidhur me krisjen e miqësisë së tyre, ka reaguar edhe Iliri.
“Mendoj që ne të dy i kemi dhënë shumë njëri-tjetrit, si brenda, edhe jashtë shtëpisë. Kur dikush bën për mua, di t’ia vlerësoj dhe ta rikëmbej pa ma kërkuar askush. Rëndësi ka kur miqtë dinë çfarë bëjnë dhe flasin në situata të ndryshme, për më tepër kur jemi në qendër të vëmendjes dhe para syve të publikut. Gjithsesi, mendoj që Sabiani është njëri nga ata që, nëse më ka qëndruar më afër një herë, i kam treguar që di ta vlerësoj dhjetë herë, si me fjalë, ashtu dhe me vepra. Pastaj, fjalët e tepërta janë fukarallëk dhe komentet e lagjes tek unë s’kanë asnjë efekt”, tha më herët balerini, i cili u shpall edhe fitues i “Big Brother VIP Albania”.
