Lori Hoxha ka zbuluar disa të pathëna për jetën e saj në një video të publikuar në Youtube. Për herë të parë, fashionista foli hapur për disa “sekrete” që lidhen me paraqitjen e saj, karakterin, mendimet për martesën etj.
Lori tregoi se është një vajzë që ka shumë ankth dhe nuk sheh filma hororr por vetëm ato komedi dhe romantikë.
Fashionistas nuk i pëlqen të dalë shumë, ndryshe nga sa shohim në fotot e saj. Pra Lori nuk është një vajzë festash madje do të preferonte të qëndronte në shtëpi dhe të shihte serialin “Friends” në vend që të dilte.
Lori ka treguar se ka bërë ndërhyrje para se të postonte në Instagram për herë të parë, kështu që të gjithë ata që krahasojnë fotot e saj të para me ato të fundit, nuk e kanë idenë se kur i ka bërë ajo këto ndryshime.
Fashionista ka 4 muaj pa pirë alkool dhe ka vendosur të pastrojë trupin e saj, madje shprehet se nuk do të bëjë më thonjtë dhe nuk do të lyejë më flokët.
Lori ka qenë një studente e mirë dhe jo sepse lexonte shumë, por thjesht i kapte shpejt gjërat. Asaj i pëlqen matematika, ndërsa historinë nuk e do.
Ndoshta nuk e dini, por Lori mërzitej shpesh me komentet në Instagram. Tanimë ajo është një person që beson shumë në vetvete dhe kjo gjë nuk ndodh më. Ajo mundohet të ruajë për vete të gjitha gjërat që e bëjnë të lumtur. Lori ruan privatësinë e lidhjes së saj, familjes dhe vëllait të vogël. Pra të gjitha gjërat që Lori i ka për zemër, nuk i tregon në Instagram.
E çuditshme, por Lori i urren masazhet dhe nuk rri dot një orë pa lëvizur duke u relaksuar. Ajo shprehet se i mendon gjërat më shumë seç duhet.
Lori tregoi se i shkruan në anglisht captions në Instagram pasi do që të gjithë fansat e saj, të huaj dhe shqiptarë ta kuptojnë.
Asaj nuk i pëlqen ta marrë veten shumë seriozisht: “Dua të bëj qejf, të bëj shaka, të tallem me gjërat dhe veten”, thotë Lori, e cila shton se bën shaka edhe me ndërhyrjen në hundë.
Nëse nuk e dini, Lori Hoxha ka 13 tatuazhe gjithsej në trupin e saj dhe i urren të gjithë, madje ka nisur që t’i heqë disa prej tyre.
Fashionista ka treguar gjithashtu se është një nga personat më të pavendosur në botë, madje edhe kur i duhet të zgjedhë nëse do të hajë makarona apo supë, apo çfarë ngjyrë do t’i lyejë thonjtë.
Lorit i ka pëlqyer gjithnjë që t’i festojë ditëlindjet e saj, madje të nisë festimet një javë para. Por herën e fundit ajo përfundoi në spital në festën para ditëlindjes në Londër. Kështu që për ditëlindjen vitin e kaluar, Lori nuk piu asnjë gotë alkool dhe nuk u kënaq aspak.
Gjërat që Lori blen më shumë janë xhinset dhe syzet e dellit dhe ka mbi 200 palë nga ato.
Lori nuk ndihet sikur martesa bën për të në këto momente. Ajo është 24 vjeçe dhe dëshiron ta shijojë jetën, por ende nuk e ka menduar martesën dhe të qenit nënë.
Lori Hoxha nuk thotë dot “jo”. Nëse një shok/shoqe me të cilën nuk del shpesh i kërkon të dalin, ajo pranon menjëherë edhe pse më vonë pendohet për vendimin që mori dhe nxjerr 1000 justifikime për të mos shkuar.
