Pasi punonjësit e fabrikës që prodhojnë veshje për “Zara”-n bënë thirrje për ndihmë, duke vendosur pusulla në xhepat e rrobave ku shkruanin se nuk ishin paguar, kompania ka publikuar një deklaratë.
Sipas “Associated Press”, etiketat e gjetura në një prej dyqaneve “Zara” në Stamboll shkruanin: “Unë bëra këtë produkt që ti do të blesh, por nuk u pagova për të”.
Në përgjigje të lajmit, kompania mëmë e “Zara”-s, “Inditex”, lëshoi një deklaratë zyrtare. Përgjigja e tyre tregon se punëtorët e fabrikës ishin të punësuar nga një prodhues i palës së tretë, “Bravo” dhe pronari i kësaj fabrike u zhduk papritmas, duke i lënë punëtorët pa pagesë. Për të ndrequr situatën, “Inditex” po krijon një “fond” për të mbuluar humbjet.
Në deklaratën e markës shkruhej:
“Inditex” ka përmbushur të gjitha detyrimet e saj kontraktuale ndaj “Bravo Tekstil” dhe aktualisht po punon me një propozim me filialin “IndustriALL”, “Mango” dhe “Next” për të krijuar një fond për punëtorët e prekur nga zhdukja hileqare e pronarit të fabrikës “Bravo”. Ky fond do të mbulojë pagat e papaguara, dëmshpërblimin, pushimet e papërdorura dhe pagesat e kryera nga puna e punëtorëve që ishin punësuar në kohën e mbylljes së papritur të fabrikës së tyre në korrik të 2016-s. Jemi të përkushtuar për të gjetur një zgjidhje të shpejtë për të gjithë të prekurit”.
Burimi: TeenVogue
