Mesditën e së mërkurës, Tirana dhe zonat përreth u tronditën nga një tërmet i fuqishëm prej 5.2 ballë të shkallës Rihter, që “shkundi” vendin dhe përhapi panik tek qytetarët. Që prej këtij momenti, tërmetet në Shqipëri, nuk janë ndalur.
Mësohet se ditën e sotme rreth orës 19.30 ka pasur sërish lëkundje në Gjirin e Lalëzit, me magniturë 2 ballë.
Sakaq, lëkundjet janë transferuar në jug të vendit, ku në Jalë, Himarë rreth orën 17:28 është rregjistruar lëkundje me magniturë 2.2 ballë.
Ndërkohë tërmeti i fundit është rregjistruar në Bolenë, Vlorë, me magniturë 2.6, rreth orës 21:08.
