Vëllezerit Romeo dhe Donald Veshaj ishin të ftuar së fundmi në dasmën e shokut të tyre. Por teksa kërcenin dhe festonin Romeos i ndodh e papritura. Në një moment aktori i humorit e merr në qafë mikun e tij dhe nis të kërcejë me të mbi supe, por atij i grisen pantallonat. Situata nuk ka kaluar pa u vënë re dhe ka shkaktuar mjaft të qeshura, teksa videoja që tregonte momentin e sikletshëm është bërë virale.
Dyshja Romeo dhe Donaldi tashmë prezantojnë emisionin e tyre “Më lër të flas”. Së fundmi Romeo u komentua mjaft për puthjen e tij me aktorin tjetër të humorit, Olsi Bylykun, duke i habitur të gjithë.
Kjo nuk është hera e parë që Romeo puth dikë në skenë, pasi më herët ai ka shkëmbyer një puthje me Salsano Rrapin në ‘Portokalli’. Dyshja asokohe imitoi puthjen e famshme të Donaldit dhe Borës brenda shtëpisë së ‘Big Brother VIP Albania’.
Emisioni i vëllezërve Veshaj, Romeo dhe Donald u përball më para me disa kritika të forta . Një faqe në Instagram zbuloi se skenat nga emisioni janë të kopjuara nga diku tjetër. Ky nuk ishte thjesht një frymëzim apo huazim pasi batutat dhe gjestet janë të kopjuara fjalë për fjalë. Jo vetëm kaq por dhe loja me karaoke ishte e kopjuar nga Jimmy Fallon, i cili e bën këtë lojë nga emisioni i tij “The tonight show”.
