Këngëtari mjaft i dashur për publikun Ylli Limani mbrëmjen e sotme është i ftuar në emisionin “Xing me Ermalin” ku shkaktoi mjaft të qeshura në publik me historitë e tij.
Ylli i cili u bë i famshëm nga konkurrimi në “The Voice” sonte ka treguar për herë të parë se në të vërtetë nuk është pranuar në audicione.
“Isha i ri dhe nuk e dija çfarë do bëja me jetën time, por është çudi sepse në audicionet e producentave nuk më kanë pranuar. Të betohem nuk më pranuan në fillim. Pas 3 javësh që i mora vazhdimisht në telefon, të shtunën i mora dhe i thashë: ‘Unë e di që të hënën keni xhirimet e puntatës së fundit të audicioneve të fshehura po nëse nuk më keni pranuar, më tregoni se nesër mbahen audicionet e ‘X factorit’. ‘Eja, eja ç’ke ti’, tha. Nga 33 konkurrentë që do paraqiteshin atë natë, unë isha i 31. Më pranuan po gjatë provave nuk ma varnin shumë se e dinin që isha pranuar kështu. Por rezultova i suksesshëm”, pohoi Ylli.
Ndërkohë i pyetur nga velina Kejvina Kthella nëse do ta ndryshonte emrin e tij si shumica prej kolegëve të tij, Ylli u përgjigj: “Jo!”
