Një nënë shqiptare është denonciuar këtë mbrëmje nga “Fiks Fare”, pasi ka dhunuar vajzën e saj vetëm 13-vjeçare.
Ka qenë njerku i vajzës që ka denoncuar rastin, sipas të cilit nëna e dhunon sistematikisht vajzën për arsye të ndryshme.
Njëherë përse kishte dalë me shoqet jashtë pallatit, herë tjetër përse luante në telefon. Dhe, rasti më flagrant ishte përse vajza nuk kishte larë enët dhe po bënte mësimet.
Në videon e transmetuar, nëna e qëllon disa herë në kokë vajzën, më pas, e kap prej flokësh dhe e tërheq zvarrë. Vajza i drejtohet disa herë që ta lërë, madje i thotë se “do të vras veten” ndërsa ajo ia kthen “përse nuk e ke vrarë”.
Në disa raste njerku ka tentuar që të ndalë këtë dhunë, por është konfliktuar pikërisht me bashkëjetuesen.
“Mua mos më prek, se ça bëj unë me atë e di unë. Ty kam për ta q… nënën po s’të bëra copash, e di mirë ti” i thotë ajo në sytë e dy fëmijëve, ndërsa në një rast tjetër e ofendon rëndë dhe tenton që ta qëllojë me telefon.
Në datën 2 shtator 2019, gruaja denoncoi bashkëjetuesin për dhunë në familje. Kur shkoi policia, burrin e gjeti të gjakosur dhe me shenja dhunë. Nga ana tjetër, gruaja nuk kishte asnjë shenjë.
Ngjarja u hetua nga policia dhe prokuroria, por hetimi u pushuan me arsyetimin se rrahja dhe fjalori i përdorur ishte vetëm “mirë edukimi i fëmijëve”. Disa javë pasi hetimet u pushuan, vajza është ende nën dhunën e nënës, e cila rrihet barbarisht vetëm se nuk kishte larë enët.
