Në Parkun e Liqenit, janë organizuar disa aktivitete sot me rastin e 100-vjetorit të Tiranës për të kaluar një fundjavë të këndshme me familjen dhe shoqërinë.
Nga ora 10:00-15:00, në “Odën Tiranase”, do të keni ekspozitë dhe sfilatë me kostume të traditës, objekte artizanale dhe këndi i fotografisë me veshje tiranase.
Ndërsa në Fushat Multisportive do të ketë ndeshje futbolli mes të rinjve të shkollave përballë bashkëmoshatarëve të tyre nga Kosova.
Nëse ju pëlqejnë aventurat, ju mund të bëni një ecje në gjurmët historike drejt Shëngjergjit, vendit të hapjes së shkollës së parë shqipe në Tiranë!
Koha e bukur me diell është në favorin tuaj kështu që shijoni rrezet e diellit dhe gjelbërimin këtë fundjavë.
/TCH
