Para pak ditësh, Loredana dhe Mozzik, publikuan këngën e tyre të parë pas ribashkimit. Kënga me titull “Rosenkrieg” tregon gjithë historinë e tyre pas ndarjes dhe videoklipi i dy artistëve flet shumë.
“Çdo gjë ndodhi sepse ne ishim shumë të dashuruar. Tani të gjithë po jetojnë me luftën tonë të trëndafilave. Shumë ndjenja u kthyen në politikë”, shprehen dyshja në këngë.
Loredana shprehet në pjesën e saj se të gjithë të vërtetën e ndarjes e dinë vetëm ata të dy, edhe pse të gjithë mendonin se ishte faji i saj. Kurse Mozzik tregon se gjatë ndarjes ka dalë me shumë vajza të tjera, por më pas kuptoi se pa Loredanën nuk ka kuptim bota, sepse më ta ka jetuar momentet më të bukura.
Kjo këngë, që është si një libër i hapur për jetën e artistëve, u pëlqye shumë dhe mënjehër theu rekorde. “Rosenkrieg” arriti të renditej e para edhe në top listën gjermane “Offizielle Deutsche Charts”. Këtë lajm e bëri të ditur vetë reperi me anë të një postimi në llogarinë e tij në Instagram, duke ndarë edhe një shkrim si mirënjohje për të gjithë mbështetjen.
View this post on Instagram
Ndërkohë Mozzik dhe Loredana nuk kanë ndërmend të ndalen me kaq dhe kanë paralajmëruar se së shpejti do të sjellin një tjetër këngë. Ishte Mozzik ai i pari i cili njoftoi ditën e sotme se ka gati një tjetër këngë me Loredanën.
“Loredana a e gjuejmë edhe njo?”, ka shkruar Mozzik në një postim.
Përgjigja e Loredanës ishte e menjëhershme.
“O ma breeee. Javën tjetër?”, shkruan ajo.
Se kur do të vijë kjo këngë do të jetë në dorë të reperëve, por sipas gjasave nuk do të vonojë dhe shumë. Dyshja e famshme kanë njoftuar më herët se ata do të sjellin një album të plotë së bashku, që mban titullin “No rich parents”.
