Rozana Radi vendosi që ditën e sotme, ndjekësit e saj të ishin “gazetarët” përmes opsionit “Ask me a question” në “Instagram”. Një prej tyre, ishte shumë kurioz të mësonte se me kë e ndante shtëpinë këngëtarja. Në pamje të parë, duket një pyetje shumë normale, por falë përgjigjes së saj, ajo mori një kuptim shumë prekës. Rozana rrëfeu se jeton në shtëpi me mungesën e madhe për dy prindërit e saj të ndjerë.
“Jetoj me mungesën e madhe të dy prindërve të mi, që për fat nuk kam mundësi t’ja puth duart nënës dhe ti them faleminderit babait për shkollën dhe mirësinë që më dha” – shkruan Rozana Radi, duke shtuar se jeton me një qenush që quhet Princ.
Nuk është hera e parë që Rozana Radi kujton prindërit e ndjerë në rrjetet sociale, teksa mungesën e tyre e ndan hera herës edhe me fansat.
