Kylie Jenner është një nga vajzat më të pasura në botë dhe kjo falë punës e një perandorie që ka krijuar me bizneset e saj. Ndonëse ka arritur shumë në jetë dhe është ende shumë e re, thuhet se Kylie do të vazhdojë të zgjerojë më tej bizneset. Ajo ka pushtuar të gjithë tregun e make up-it, kozmetikës dhe flokëve e duket se tashmë do të përshihet në një tjetër fushë.
Sipas TMZ, Kylie dëshiron që të krijojë një markë të saj për rrobat e aksesorët plazhit me emrin “Kylie Swim” dhe “Kylie Swim by Kylie Jenner”. Koleksioni i saj do të përfshijë gjithçka duke nisur nga syzet e diellit, çantat e plazhit, rrobat e banjës, shapkat dhe peshqirët. Deri më tani, Kylie ka shitur bikini dhe rroba banje për fansat e saj, por duket se këtë ide të saj dëshiron që ta zgjerojë më tej.
Deri më tani ajo ka arritur një sukses shumë të madh në të gjitha markat e saj: Kylie Cosmetics, Kylie Body, Kylie Baby dhe Kylie Hair.
Para disa ditësh Kylie Jenner mori një urdhër mbrojtjeje nga gjykata, pasi një i ri tentoi të hynte në shtëpinë e saj. Është mësuar se gjykata ka urdhëruar 27-vjeçarin, Shaquan King, që të qëndrojë të paktën 100 metra larg Kylie-t për 3 vitet e ardhshme. Urdhri i ndalimit do të mbrojë gjithashtu Kendall dhe Kris Jenner.
