Kim Kardashian dhe Pete Davidson i dhanë fund lidhjes së tyre por kjo s’do të thotë që dyshja të mos flasin mirë për njëri-tjetrin.
Së fundmi, Kim ka folur për komedianin e njohur gjatë intervistës me prestigjiozen “Interview”.
“Ai është i lezetshëm,” nënvizoi Kim. “Ai është me të vërtetë një person kaq i mirë. Jam e emocionuar për atë që ai ka sjellë.”
Sipas Radar Online, gjërat po ecnin paksa shumë shpejt për Kim, e cila filloi të takohej me Davidson në fund të vitit 2021. E ndërsa ajo kishte shpresuar të ngadalësonte gjërat për sa i përket romancës së tyre, njujorkezi dyshohet se e trembi atë duke i bërë pyetjen e rëndësishme për martesë.
“Ai është i shkatërruar. Të gjithë e paralajmëruan se ajo do ta largonte, por ai nuk e dëgjoi”, tha burimi. “Mos harroni, ky është i njëjti djalë që i propozoi Ariana Grandes pas vetëm disa javësh. Pete nuk mësoi asgjë nga ajo marrëdhënie.”
Me një karrierë të lulëzuar dhe katër fëmijë për t’u kujdesur, Kardashian është e përkushtuar të përqendrojë vëmendjen e saj të plotë në familjen e saj, shtoi burimi. Davidson është i zhgënjyer që planet e tij të supozuara për t’u martuar me Kardashian jo vetëm që dështuan, por me sa duket e shtynë Kim ta braktiste atë.
“Kim është një nënë e shkëlqyer. Ajo është plotësisht e përkushtuar ndaj fëmijëve të saj dhe çdo mashkull që takon duhet ta dijë këtë. Pete e kuptoi dhe ishte në rregull duke e ndarë Kim-in me fëmijët e saj”, u shpreh burimi i brendshëm.
