I gjithë interneti u shkund pak ditë më parë kur u shpërndanë me shpejtësi lajmet se Tristan Thompson është parë në një festë duke u puthur me shoqen e ngushtë të Kylie Jenner, Jordyn Woods.
Mirëpo dita-ditës po dalin detaje të cilat vijojnë që të na befasojnë.
Së fundmi, Khloe ka reaguar ndaj një statusi në Twitter duke e pëlqyer.
Dhe e dini çfarë? Nuk ka qenë thjesht një puthje ajo çka ndodhi mes Tristan dhe Jordyn. Duket se ka ndodhur shumë më shumë sesa kaq.
Ata mund të kenë kryer marrëdhënie me njëri-tjetrin dhe i trishtë është fakti se Khloe po e merr vesh nga persona që as nuk i njeh fare.
“Ajo fjeti me babanë e foshnjës së Khloe dhe ata nuk kanë thënë asgjë të keqe publikisht për të, thjesht e kanë hequr nga Instagrami. Kështu që, si mund të jetë faji i Kardashianëve? Jordyn e flliqi vetë emrin e saj!”- janë pikërisht këto fjalë të cilat bukuroshja në njëfarë mënyre i ka konfirmuar, duke i bërë “like” postimit.
Rikujtojmë se kjo nuk është hera e parë që Tristan e tradhton Khloe-n. Vitin e kaluar ai u filmua duke u puthur me dy femra, pak ditë përpara se Khloe të lindte vajzën e saj, True.
