Prej disa javësh, shefi i kuzhinës, Renato Mekolli, kishte paralajmëruar për një sezon të dytë “bombë” të “Hell’s Kitchen Albania”.
Ai premtoi surpriza të mëdha për këtë sezon, ku do të shfaqet i shoqëruar nga Ani Alku dhe Albana Dulellari.
Emisioni i tij do të nisë në tetor dhe vetëm pak orë më parë Renato ka zbuluar për publikun datën kur nis transmetimi, si dhe spotin e ri të emisionit.
Ai e ndau videon me ndjekësit e tij në Instagram dhe duhet ta pranojmë, na la pa fjalë!
Renato shfaqet i ulur në tryezë, teksa i bën me shenja dikut ulur përballë tij, që me gjasa nga pamjet në spot, është një femër .
Mirëpo, kur kamera zhvendoset për të dhënë një plan të plotë të skenës, shohim se në fakt Renato sheh veten përballë një pasqyre dhe është veshur nga mesi e poshtë si një femër, me fund të bardhë dhe taka.
Pra, të gjitha shenjat dhe mimikat e fytyrës së tij, ia ka drejtuar vetes, siç mund ta shihni në video.
View this post on Instagram
Hell’s Kitchen Albania 2 Nga 11 Tetori,çdo të premte ora 21:00 në Top Channel!
“Hell’s Kitchen” do të nisë transmetimin nga data 11 tetor dhe do të na shoqërojë çdo të premte në orën 21:00 në “Top Channel”.
