Rita Ora, si pjesë e panelit të jurisë së “The Voice Australia” ka përjetuar së fundmi një situatë aspak të zakonshme.
Në episodin e mbrëmjes së djeshme, një konkurrent i quajtur Henry Starr, u zhvesh dhe nisi të bënte striptizëm shumë afër këngëtares, duke nxitur kështu reagime në publik. Edhe pse ai nuk u kualifikua për më tej në këngë, padyshim që performanca e tij do të mbahet mend gjatë.
“Rita është aq flirtuese”, vuri në dukje një fans në komentin e tij në Twitter.
“Ishte brilante”, shkroi një tjetër.
Përsa i përket jetës personale, Rita po përflitet shumë për lidhjen e dashurisë me regjisorin e njohur, Taika Waititi.
Së fundmi, ata tërhoqën vëmendjen e të gjithëve teksa parakaluan në tapetin e kuq gjatë premierës së “The Suicide Squad”, në Los Angelos. Dyshja dukeshin shumë të afërt me njëri-tjetrin teksa pozonin për fotografët jashtë Teatrit të “Regency Village”.
Bukuroshja shqiptare ishte e veshur me një fustan të bardhë, i cili ishte i çarë anash në pjesën e belit. Ndërsa, Taika 45 vjeç kishte veshur një kostum gri me një këmishë të bardhë të mbyllur.
Kujtojmë se dyshja përfliten prej kohësh për një lidhje mes tyre. Fillimisht ishte Rita ajo që nxiti thashethemet për marrëdhënie, pasi publikoi në rrjete sociale një foto me regjisorin. Të dy ata dukeshin shumë të afërt me njëri-tjetrin, teksa Taika i kishte hedhur duart në qafë Ritës. Madje të dy ishin veshur gati njësoj me rroba nga marka e famshme “Gucci”.
