Sezoni veror sapo ka fillur dhe së bashku me të kanë nisur edhe ndryshimet në look të personazheve tuaja të dashura.
Trendi i momentit janë gërshetat, të cilat pak ditë më parë i realizoi Enca dhe së fundi edhe Anxhelina Hadërgjonaj, teksa Tayna vendosi të bëhej sërish bionde.
Verën e ka nisur me ndryshime edhe këngëtarja Dhurata Dora, e cila ndryshe nga koleget e saj ka zgjedhur që të presë flokët shkurt sipër supeve.
Mesa duket, këngëtarja është ‘mërzitur’ nga flokët e gjatë dhe me daljen nga karantina, që përkon me nisjen e verës, vendosi të bëjë një ndryshim në look-un e saj.
Pamjen e re Dhurata na e tregoi me një video në Insta Story dhe duket shumë cool.
Këngën e fundit artistja e ka publikuar në muajin shkurt në bashkëpunim me KMN Azet, ndërsa së shpejti duket se do sjellë një tjetër këngë.
Disa ditë më parë ajo ka ndarë me ndjekësit e saj një foto në Instagram ku shkruan se kënga do vijë së shpejti, por nuk ka dhënë më shumë detaje.
