Me 19 maj 2018, e gjithë bota ishte dëshmitare e kurorëzimit të dashurisë së Princit të Anglisë, Harry me aktoren Meghan Markle. Dukesha e re e Sussex shndërriti atë ditë, e veshur me fustanin e bardhë në formë A-je dhe një vello gjigande.
Le te mbetemi te kjo e fundit, pasi Meghan sapo ka rrëfyer një sekret.
U njoftua se velloja e gjatë prej 5 metra, përmbante simbole nga 53 shtetet e Commonwealth të qëndisura përreth saj! Por kjo nuk qenka e gjitha, pasi Meghan ka qëndisur edhe një detaj shumë romantik, që i dedikohet bashkëshortit të saj.
“Diku në vello, është edhe një copë e vogël në ngjyrë blu, e cila është qëndisur brenda vellos. Është pjesë e fustanit, që vesha në takimin tonë të parë. Është shumë speciale për mua.” – tregoi Dukesha e Sussex kur pa vellon, katër muaj pas dasmës gjigande gjatë dokumentarit “Queen Of The World”.
