Mbrëmja finale e edicionit të parë të “Big Brother VIP” u mbyll mes emocionesh të forta, me fitoren e balerinit të njohur shqiptar Ilir Shaqiri.
Në një garë “gjelash”, teksa ngeli kokë më kokë me Donaldin pas daljes nga shtëpia të Beniadës dhe Einxhel, Iliri u shpall fituesi i çmimit të madh 100 mijë euro.
Për herë të parë pas kaq shumë vitesh, ky edicion i “Big Brother VIP” mblodhi njerëzit përpara ekranit dhe e “ndau” Shqipërinë në dy pjesë, “team Ilir” dhe “team Donald”.
Një pjesë e mirë u gëzua për fitoren e balerinit, ndërsa një pjesë e madhe u mërzit për humbjen e Donaldit.
Mes personazhesh të njohur që shprehën pakënaqësi për rezultatin e numërimit të votave dhe fitoren e Ilirit, ishte edhe producenti Elgit Doda.
Në rrjete sociale, ai ka bërë disa postime me thumba e ironi, teksa ka shkruar se “nuk hahet haku i një populli” që ka votuar Donaldin, siç thotë Elgiti.
“Hajde gallatë gajde”- shkruan ai një një story, më tej vazhdon:
“I drejti fiton një ditë,mbajeni mend. Nuk hahet haku i një populli.”
View this post on Instagram
Të shumtë janë ata që e kanë mbështetur Elgitin në këtë deklaratë, por edhe ata që e kanë kundërshtuar.
