Përkeqësohet gjendja shëndetësore e legjendës së futbollit brazilian, Pele. Reuters raporton se Pele është futur në terapi intensive, pasi kimioterapia nuk pati sukses.
Pele është diagnostikuar prej kohësh me kancer në zorrën e trashë. 82-vjeçari u shtrua në spital të martën për të bërë kontrollet mbi përparimin e kancerit.
Më pas, u zbulua se ai kishte edhe një infeksion në rrugët e frymëmarrjes. Kjo ka bërë që kimioterapia të mos funksionojë.
Ndaj legjenda e Brazilit u shtrua në terapi intensive. Tashmë të gjithë presin të mësojnë nga burimet zyrtare në spital se si është gjendja e ish-sulmuesit të famshëm, teksa më parë nga institucioni ishte raportuar se gjendja e tij isht stabël dhe me organet jetësore që funksiononin normalisht.
Ndër të tjera, Kylian Mbappe nuk ka harruar një nga idhujt e tij, pikërisht Pele.
Legjenda braziliane nuk është në gjendje të mirë shëndetësore, ku madje spitali i ka ndërprerë kimioterapinë për shkak se ai nuk i përgjigjet trajtimeve pas operacionit për të reduktuar kancerin në zorrë.
Ylli francez ka shkruar në rrjetet e tij sociale një mesazh mbështetës për Pele.
“Le të lutemi për mbretin”, ka shkruar Mbappe në një status në rrjetin social Twitter, ku ka etiketuar legjendën e futbollit brazilian dhe flamurin.
