Pasi urrëfeu se me lidhjen aktuale ndihet tejet e lumtur dhe më në fund ka gjetur atë që kërkon te një partner, këngëtarja Soni Malaj nuk fshihet më. Në çdo event apo dalje televizive, Soni tashmë shoqërohet nga partneri i saj, biznesmeni nga Tirana, Klevi.
Eventi i fundit ku ata janë fotografuar bashkë ka qenë mbrëmja e djeshme “Fundjavë ndryshe”, ku personazhe të famshëm mblidhen për t’u ardhur në ndihmë njerëzve në nevojë. Nën drejtimin e Arbër Hajdarit ky fondacion festoi dje njëvjetorin e krijimit për të ndihmuar të pamundurit.
Në fotot ekskluzive për ICONstyle, Soni dhe Klevi duken mjaft të vëmendshëm teksa ndjekin eksperiencat e kolegëve të tyre në lidhje me ndihmën që japin për ato familje shqiptare në nevojë.
Me flokët e kapur dhe një veshje klasike Soni dukej mjaft në formë si gjithmonë, ndërsa pas nuk linte partnerin e saj Klevin, i cili ishte veshur “casual” për eventin.
