Pashkët janë kremtimi i ringjalljes së Jezusit nga varri, në ditën e tretë pas kryqëzimit të tij. Pashkët janë profecia e përmbushur e Mesisë, që do të përndiqej, do të vdiste për mëkatet e njerëzimit dhe do të ngrihej në ditën e tretë.
Me kalimin e kohës, Pashkët u bënë një festë me shumë tradita të lashta dhe simbolika që lidhen me të. Origjina e fjalës Pashkë nuk është e sigurt. Emri mendohet të ketë ardhur nga perëndesha gjermane Eastre, që do të thotë pranverë dhe pjellori. Perëndesha e Pashkëve, në mitologjinë nordike, quhet Ostara, që do të thotë “sezoni i lindjes së re”.
Disa tradita të çuditshme për festimin e Pashkës nëpër botë
Në Spanjë dhe në Britaninë e Madhe gjatë Pashkës qytetarët kërcejnë “vallen e vdekjes”, të maskuar me kostume skeletesh. Vallja e frikshme nis në mesantë dhe vazhdon për tre orë.
Në Poloni nëse burrat marrin pjesë në përgatitjen e bukës së Pashkës atëhere zakoni thotë se brumi i bukës nuk do bëhet i mirë dhe se burri do bëhet me thinja. Kështu që burrave nuk i lejohet të marrin pjesë më përgatitjen e bukës.
Në Francë, me rastin e Pashkës gatuhet omleta më e madhe në botë me plotë 4,500 vezë. Omleta përgatitet në sheshin qendror dhe ndahet në 1000 racione.
Në fshatrat e Zvicrës, burimet e ujit dekorohen me lule dhe vezë Pashkësh. Sipas traditës kjo bëhet për të vlerësuar ujin dhe për të theksuar mungesën e tij në zonat e thata të Alpeve.
Në Egjipt, të Hënën e Madhe qytetarët kosumojnë peshk të cilin më parë e kanë futur nën dhe. Kjo traditë i ka rrënjët që nga 2,700-ën para lindjes së Krishtit.
Në Gjermani qytetarët ndezin zjarr nga pemët e vjetra të Krishtlindjes, si simbol i largimit të dimrit dhe ardhjes së verës.
