Ellen DeGeneres vendosi para pak ditësh të mbyllte përfundimisht emisionin e saj pas 19 sezonesh dhe më shumë se 3 mijë episodesh.
“Aq i bukur dhe aq i këndshëm sa është ky program, po kaq nuk është më sfidues”, u shpreh Ellen.
Ndërkohë së fundmi ajo ka pranuar se është ndikuar nga bashkëshortja e saj, Portia, për këtë vendim kaq të madh. Ellen është shprehur se ajo ka qenë në kërkim për një sfidë më të madhe dhe se partnerja e saj, të cilën ajo e cilëson si “egoiste”, e shtyu drejt vendimit për t’i dhënë fund programit. Moderatorja ka treguar për “Hollywood Reporter” se vëllai i saj e ka shtyrë që të vazhdojë emisionin, ndërsa Portia i thoshte të bënte të kundërtën.
“Vëllai im më thoshte gjithmonë ‘Njerëzit mezi e presin spektaklin çdo ditë dhe nuk ka shumë emisione që të transmetojnë kaq lumturi të pastër si i yti’. Ai ka qenë mbështetësi im më i madh, ndërsa Portia nuk është. Ajo është shumë egoiste dhe dëshiron që të bëj gjëra sfiduese dhe sa herë vinte në shtëpi më thoshte se unë mund të bëj diçka më shumë”, është shprehur Ellen.
NBC tani i duhet të zgjedh një zëvendësuese dhe duket se emrin e mundshëm e kanë gati. Bëhet fjalë për Kelly Clarkson, e cila sipas burimeve ishte në mendje të drejtuesve të NBC që prej para Covid si “trashëgimtare” e Ellen.
