Kim Kardashian nuk mendoi se do të krijonte një lidhje kaq serioze me aktorin Pete Davidson kur filloi të takohej me të për herë të parë.
“Unë mendoj se ndonjëherë gjërat ndodhin atëherë kur nuk e presim. Ishte gjëja e fundit që po planifikoja vërtet”, tha Kardashian, në ‘podcast’-in “Making Space” të Hoda Kotb.
“Dhe kështu, kur ndodhi, ne ishim disi: ‘O Zot, nuk po e planifikoja këtë. Dhe kjo nuk është as ajo që po mendoja.”
Megjithatë, Kardashian tha se të gjithë këto gjëra të papritura e bënë marrëdhënien e tyre shumë herë më të mirë dhe argëtuese.
“Kjo thjesht e bën atë shumë më të ëmbël dhe shumë më argëtuese,” tha ajo.
Ndonëse ajo dhe Davidson, dolën për herë të parë si çift në premierën e serialit televiziv “The Kardashians”, Kim pranoi se nuk është ende gati të publikojë plotësisht gjithçka rreth marrëdhënies së tyre.
“Mendoj se po i mbaj pak më afër zemrës sime disa aspekte të marrëdhënies sime me Pete, dhe ndjehem mirë vetëm kur e di se ne kemi këtë lidhje dhe kemi flluskën tonë të vogël, të një bote në të cilën jetojmë, për të cilën nuk dinë shumë njerëz,” shpjegoi ajo.
Tani për tani, Kim është shprehur se sa shumë i pëlqen të kalojë kohë me të dashurin e saj, duke shpjeguar se edhe detyrat më të ‘ulëta’ janë argëtuese me të pranë saj.
