Destinacioni i muajit të mjaltit të Princ Harr dhe Meghan Markle është mbajtur në fshehtësi dhe nuk do të jetë në Afrikë ashtu siç u spekulua disa ditë më pare.
Pasi ata e shtynë udhëtimin e tyre , në mënyrë që të mund të merrnin pjesë në festën e ditëlidjes së 70-të të Princit Charles, javën e kaluar, Duka dhe Dukesha e Sussex thuhet se do të shkojnë në Kanada.
TMZ pretendon se Harry dhe Meghan kanë zgjedhur Fairmont Jasper Park Lodge në Alberta, Kanada.
Sipas faqes së internetit, çifti do të qëndrojë në kabinën e Outlook, një pronë prej 6000 metrash katrorë nga e cila mund të shohësh pamjen gjithëpërfshirëse të fshatit kanadez.
Ndërsa data dhe kohëzgjatja e qëndrimit të tyre akoma nuk dihen dhe besohet se çifti do të shoqërohet nga personeli i sigurimit.
Ky destinacion ka qënë ndër vite i preferuari i familjes mbretërore angleze.
Mbretëresha Elizabeta dhe Princi Philip qëndruan për pushime aty në vitin 2005, ndërsa Mbreti George VI dhe Mbretëresha Nëna e kanë vizituar në vitin 1939.
Meghan e favorizoi destinacionin, pasi ka jetuar në Kanada për disa vite, ndërsa ka filmuar edhe seritë televizive të “Suits”.
Më vonë në tetor Duka dhe Dukesha e Sussex do të vizitojnë Australinë si pjesë e turneut të tyre të parë zyrtar si një çift i martuar.
