Të jesh aktor nuk është profesion i lehtë dhe shpesh ata që “e vuajnë” janë njerëzit e zemrës. Almeda Abazi ishte e ftuar ditën e sotme në emisionin “You&Me”, në NRG Radio.
Ish-Missi shqiptar u pyet veçanërisht për xhelozitë mes çiftit:
“Kemi një punë që nuk na lejohet të jemi xhelozë. Edhe sikur unë të jem xheloze nga brenda, nuk më lejohet të jem xheloze sepse e dija se me kë kisha të bëja para se të martohesha kështuqë…”.
Por të gjithë kemi një pyetje: Si ndihet bukuroshja 26-vjeçarja kur sheh bashkëshortin e saj në ekran duke u puthur me dikë tjetër?
“Puthjet janë prej vërteti, nuk ka montazh… Mundohem mos t’i shoh, por jetojmë në një kohë që është e pamundur mos t’i shohësh. Kjo nuk është xhelozi, por më bën të ndihem keq.”
Almeda thotë se e merr me të qeshur, por nga brenda lufton me veten pasi është e vështirë. Nga ana tjetër, aktori dhe bashkëshorti i saj është më xheloz.
“Meshkujt janë pak më xhelozë në këtë aspekt, unë e kam thënë edhe para Tolga-s që nuk do të pranoja kurrë një rol që ka puthje, megjithëse kjo nuk është e lejuar. Por ia kam bërë njëherë si presion, i kam thënë nesër mund të bëj dhe unë një rol të tillë, me këto skenat dhe pashë që iu skuqën veshët dhe iu rrudhën sytë”, u shpreh Almeda para dy moderatorëve, Julkës dhe Arionit.
