Tekstet e reja të Taylor Swift për versionin e saj 10-minutësh të “All Too Well” tregojnë se diferenca e saj nëntëvjeçare në moshë me Jake Gyllenhaal ishte arsyeja e ndarjes së tyre.
Në versionin e ri, të lançuar të premten në albumin e saj të riregjistruar “Red”, Swift këndon, “Ti the se nëse do të kishim qenë më afër në moshë ndoshta do të ishte mirë / Dhe kjo më bëri të doja të vdisja”.
Këngëtarja 31-vjeçare nuk e ka konfirmuar asnjëherë zyrtarisht se kënga ka të bëjë me Gyllenhaal, 40 vjeç, por është pranuar gjerësisht se po.
Tekstet shtesë në versionin e saj të riregjistruar tregojnë për thyerjen e zemrës që ajo ndjeu në atë kohë, me tekste të tilla si, “Thonë se gjithçka është mirë që përfundon mirë, por unë jam në një ferr të ri / Sa herë që mednoj dy herë për ty.
Ylli i “Nightcrawler” thuhet se ishte në lidhje me fituesen e Grammy nga tetori deri në dhjetor 2010 kur ata u ndanë pak para ditëlindjes së saj të 21-të, gjë që gjithashtu luan një rol në melodinë e përditësuar.
Gyllenhaal duket se ka ndryshuar qëndrimin e tij për dallimet në moshë, pasi ai aktualisht është në lidhje me modelen 25-vjeçare Jeanne Cadieu. Swift nga ana e saj ka qenë në një lidhje afatgjatë me aktorin 30-vjeçar Joe Alwyn.
