Loredana Zefi dhe Yll Limani janë dy këngëtarët më të pëlqyer të momentit pas bashkëpunimeve të tyre të fundit. Por miqësia e krijuar mes tyre paska nisur 5 vite më parë.
Sot Loredana konsiderohet si një nga reperet më të njohura, por dikur ajo ka qenë protagoniste në një nga klipet e vetë Ylli Limanit. Edhe pas 5 vitesh, “Ke pi sonte shumë” mbetet një prej këngëve më të veçanta të Yllit.
Shkak është bërë Loredana dhe pjesëmarrja e saj në klip që kënga të bëhej virale në TikTok. Në kohët e klipit Loredana nuk e ka pasur famën që ka tani dhe shihen qartë ndryshimet e saj në pamje.
Kujtojmë se Loredana zbuloi detaje të reja nga marrëdhënia saj me Mozzik. Gjatë një interviste për mediat e huaja, Loredana u pyet për raportin e saj aktual me Mozzik dhe përgjigjet e dhëna janë tejet të drejtpërdrejta.
Pjesë nga intervista:
“Një nga pyetjet në Instagram ishte për marrëdhënien tënde me Mozzik, a ke kontakte me të?” është pyetur këngëtarja.
“Jo aq shumë, të gjithë mendojnë se ai nuk ka kontakt me vajzën tonë por në fakt ai ka. Kjo kalon nga motra ime sepse ajo kujdeset për vogëlushen time kur nuk jam aty. Por ne të dy nuk kemi asnjë kontakt më,” përgjigjet Loredana.
“Sa e vështirë është të deklarosh statusin e marrëdhënies kaq publikisht?”
“Unë jam një personazh i lehtë dhe nuk e kam pasur problem që ai të më telefonojë. Gjithmonë i pranoja telefonata dhe arrija të plotësoja gjithçka. Por me të ishte pak e vështirë,” ka përfunduar Loredana.
