Këngëtarja e mirënjohur shqiptare, Dafina Zeqiri, ka bërë të ditur se gjatë ditës së sotme i është nënshtruar një operimi në gju.
Këtë lajm, ajo e ka dhënë nëpërmjet rrjeteve sociale, ku ndau dhe imazhe nga ndërlikimi që ka pasur, që tashmë duket se është duke u përmirësuar.
Tashmë, këngëtarja ka dalë nga spitali dhe fatmirësisht është rikuperuar, për t’u rikthyer dalëngadalë në gjendjen e saj më të mirë.
“Kanë qenë 5 javë të gjata”– shkruan Dafina krahas postimit, duke marrë qindra komente të ndjekësve të cilët i urojnë shërim të shpejtë.
Teksa të gjithë fansat e saj presin me padurim që ajo të rikthehet me projeket e saj muzikore, Dafina siç duket nuk e ka ndërmend të ndalet, pasi ndau me ndjekësit e saj në InstaStory foto në një studio muzikore.
Në këto foto, Dafina shihej e ulur në një karrige, ndërsa këmbën e kishte të mbështjellë.
Siç u vu re, këngëtarja etiketoi në këto foto, producentin Rzon dhe tekst-shkruesin Elinel, bashkëpunëtorët e saj për realizimin e albumit të ri “Dafinë Moj”.
Në një postim tjetër ajo ka inkurajuar fansat që të mos ndalen, pa marrë parasysh se çfarë ndodh tek jeta e tyre.
Ndërkohë, projekti i fundit i këngëtares erdhi dy muaj më parë në bashkëpunim me Ylli Limanin, një këngë tepër e suksesshme me titull “Mos shko”.
