Një nga vajzat e liderit të të drejtave civile me ngjyrë, Malcolm X, është gjetur e vdekur në banesën e saj në Brooklyn të hënën vonë në mbrëmje. Malikah Shabazz u gjet e vdekur nga oficerët kur mbërritën në shtëpinë e saj. Aktualisht, eksperti mjekësor i Nju Jorkut ka përcaktuar se vdekja e saj nuk është e dyshimtë.
Malikah, e cila ishte 56 vjeç, u gjet nga vajza e saj, Bettih-Bahiyah Shabazz në shtëpinë e tyre.
Ajo kurrë nuk e njohu babanë e saj pasi kishte lindur shtatë muaj pas vrasjes së tij.
Në moshën 39-vjeçare, Malcolm X u qëllua 16 herë përpara një turme prej 400 personash në Audubon Ballroom në Harlem, duke përfshirë gruan e tij shtatzënë dhe tre vajzat e tyre.
Me kalimin e viteve, Malikah Shabazz ka pasur probleme me ligjin. Në vitin 2017, ajo së bashku me vajzën e saj u akuzuan për vjedhjen e një kamioni me qira në të cilin ndodheshin shtatë pitbull. Dyshja u arrestuan në Maryland jugor,
Vite më parë, në 2011, Shabazz u deklarua fajtore për vjedhjen e identitetit të një miku të moshuar të familjes në Karolinën e Veriut. Ajo mori më shumë se 55,000 dollarë në tarifat e kartës së kreditit.
Vajza e ikonës së të drejtave civile, Martin Luther King Jr., Bernice King, postoi ngushëllimet e saj së bashku me një foto të Malikah dhe motrës së saj binjake Malaak, të mbajtur nga nëna e tyre, Dr. Betty Shabazz.
“Jam thellësisht e pikëlluar nga vdekja e Malikah Shabazz. Zemra ime është me familjen e saj, pasardhësit e Dr. Betty Shabazz dhe Malcolm X. Dr. Shabazz ishte shtatzënë me Malikah dhe motrën e saj binjake, Malaak, kur vëllai Malcolm u vra. U prehsh në paqe, Malikah.”, ka shkruar King.
Vdekja e Shabazz-it vjen vetëm disa ditë pasi dy burra që ishin dyshuar se kishin qëlluar të atin e saj u shfajësuan.
